މުސްލިމުންގެ ތިންވަނަ ޚަލީފާ ޢުޘްމާން ބިން އައްފާން
ޢައްފާން | ބައްޕާފުޅުގެ ނަން | ޢުޘްމާން ބިން ޢައްފާން | ނަން |
އުރުވާނބިންތި ކުރައިޛް | މަންމާފުޅުގެ ނަން | ޒުލްނުރައިންގެ | ލަޤަބު |
އަބުލްއާސް | ބައްޕާފުޅު ފަރާތުގެ ކާފަ | ކުންޔާ | |
މަންމާފުޅުފަރަތުކާފަ | އުމަވީދަރިކޮޅު | ދަރިކޮޅު |
ޢާއިލީ ގޮތުން ކީރިތިރަސޫލާ އާއި ގާތްކަން: އުޘްމާނުގެ ފާނުގެ މައިކަނބަލުންނަކީ ކީރިތިރަސޫލާގެ ބޮޑުދައިތާފުޅެއް ކަމުގައިވާ އަލްބައިޟާގެ ދަރިކަނބަލުން އުރުވާބިނތި ކުރައިޛްއެވެ. ވުމާއިއެކު ޢުޘްމާނުގެފާނަކީ އެކަލޭގެ ފާނުގެ މަންމަ ފަރާތްޕުޅުންނާއި ބައްޕަ ފަރާތްޕުޅުން ކީރިތިރަސޫލާއާއި ވަރަށް ތިމާގެ ބެފުޅެކެވެ.
ދުނިޔޭގެ އަލިކަން ދެކިވަޑައިގަތުން: (ކީރިތި ރަސޫލާ އަށްވުރެ 6 އަހަރުފަހުންނެވެ.މީލާދީ ގޮތުން؛ 576 )
ވިޔަފާރި | ދިރިއުޅުއްވުމަށް ކުރެއވެވި މަސއްކަތްޕުޅު | މައްކާ | ރަށް |
ހިޖުރައިން 35 ޒުލްހައްޖު 18 | އަހަރު |
ކީރިތި ރަސޫލާ ދުނިޔޭގައި ހުންނަވައި ސުވަރުގެ ލިބޭނެކަން ހަމަކުރެއްވެވި 10 ބޭކަލުންގެ ތެރެއިން އެއްބޭކަލެއް.
ދެހިޖުރާގައި ބައިވެރިވެ ވަޑައިގަތެވެ. ހަބުޝްކަރައާއި މައްކާއާއި މަދީނާއަށް ކުރެއްވެވި ހިޖުރަ
މުހިންމު ސިފަފުޅުތައް:
ހަށިގަނޑުގެ ސިފަފުޅުތަކާއި އެއްވަރަށް އިސްލާމީ އަޚުލާޤުގެ ރިވެތިމިޘާލެއްކަމުގައި ބެލެވެއެވެ. ލަދުވެތިކަމާއި އިއްފަތްތެރިކަން، މަޑުމައިތިރިކަމައި ދީލަތިކަން މިހިރީ ފާހަނގަ ކުރެވޭ ކަންކަމެވެ.
އެކަލޭގެ ފާނުގެ ދީލަތިފުޅުކަމުގެ ސަބަބުން މުސްލިމުންނަށް ލިބިލެއްވި ބައެއް ކަންތައްތައް .
1 – މުސްލިމުން މަދީނާއަށް ހިޖުރަކުރުމަށްފަ ފެން ބޯނެ ވަޅެއް ނެތުމާއިއެކު، ޔަހޫދީން ފެންވިއްކާ ވަޅެއް ޢުޘްމާންގެފާނު ބައްލަވައިގެން މުސްލިމުންނަށް ވަޤްފުކުރެއްވިއެވެ.
2 – ތަބޫކު ހަނގުރާމައަށް މުސްލިމުން ނުކުތްހިންދު ތިރީސްހާސް މީހުން ހިމެނޭ ބޮޑު ލަޝްކަރުގެ 3/1 ޚަރަދު ޢުޘްމާނުގެފާނު އަމިއްލަފުޅު ތަކެތީން ފުރިހަމަ ކޮށްދެއްވިއެވެ،
އިސްލާމްވެ ވަޑައިގަތުން:
- ޢުޘްމާނުގެ ފާނު ހިމެނިވަޑައިގެންވަނީ ޢަބޫބަކުރުގެ ފާނުގެ މަސައްކަތްޕުޅުން އިސްލާމީ ހިޔާވަހިކަމުގެ ދަށަށް ވަޑައިގެންނެވި އެތަކެއްބޭ ފުޅުންގެ ތެރެއިން އެއްބޭފުޅެއް ކަމުގައެވެ.
- ޢުޘްމާނުގެފާނު ވިދާޅުވާ ގޮތުގައި އެއްދުވަހަކު އެކަލޭގެފާނާއި މުޚާތަބު ކުރަށްވައި ކީރިތިރަސޫލާ ވިދާޅުވިއެވެ. " އޭ ޢުޘްމާނެވެ. ﷲގެ ސުވަރުގެ ލިބިގަންނާށެވެ! ތިމަންކަލޭގެ ފާނަކީ، ކަލޭގެފާނާއި އަދި އެންމެންގެ ގާތަށް ފޮނުއްވުނު ރަސޫލަކީމެވެ'. ޢުޘްމަނުގެފާނު ބަޔާންކުރައވަގޮތުގައި އެބަސްފުޅުގެ ޢަޘަރު ކޮށް އިސްލާމްވެ ވަޑައިގަތީއެވެ.
- ބައެއް ޢިލްމުވެރީންވިދާޅުވާ ގޮތުގައި 5 ވަނައަށް އިސްލާމް ދީން ޤަބޫލް ކުރެއްވެވި ބޭފުޅަކީ ޢުޘްމާންގެފަނެވެ.
ކީރިތި ރަސޫލާގެ ހަޔާތްޕުޅުގައި ދީނަށްޓަކައި ކުރެއްވެވި މުހިންމު ކަންތައްތައް:
- އިސްލާމްވެ ވަޑައި ގަތުމަށްފަހު ދީނަށްޓަކައި މުދަލުން ކުރެއްވެވި ގިނަގުނަ ހޭދައިގެ އިތުރުރަށް ހަށިގަނޑާއި ފުރާނަފުޅަށް ޤުރުބާންވެ ވަޑައިގަތުމަށްވެސް ޖެހިލުންވެ ވަޑައި ނުގަންނަވައެވެ.
- ބަދުރު ހަނގުރާމަ ފިޔަވައި ކީރިތި ރަސޫލާ ބައިވެރިވެ ވަޑައިގެންނެވި ހުރިހާ ހަނގުރާމައެއްގައި ޢުޘްމާނުގެފާނު ބައިވެރިވެ ވަޑައިގަތެވެ. – ކީރިތި ޤުރުޢާން ބާވައި ލެއްވެމުން ދިޔަދުވަސްވަރު ، ކީރިތި ރަސޫލާއަށް ވަޙީ ލިޔުއްވައި ދެއްވުމުގެ އަމާނާތްތެރި އަދި ބުރަ މަސްއޫލިއްޔަތު އުފުއްލެވިއެވެ.
- ހުދައިބިއްޔަގެ އެގްރިމެންޓް ކުރެވުނު އަހަރު ކީރިތިރަސޫލާ މައްކާއަށް ވެދެވަޑައިގަތުމައި މެދު މުޝްރިކުން ދެކޮޅުހެދިމައްސަލާގައި ކީރިތި ރަސޫލާގެ ސަފީރެއްގެ ގޮތުން މައްކާއަށް ވަޑައިގަތުމުގެ ޝަރަފު ޢުޘްމާނުގެ ފާނަށް ލިބިވަޑައިގެންނެވިއެވެ.
ޚަލީފާ ކަން ލިބިވަޑައިގަތުން:
* ހިޖުރައިން 23 ވަނައަހަރު ޒުލްޙައްޖަމަހުގެ 29 ވީ ހޯމަދުވަހުއެވެ.
* ރަސްމީގޮތުން ހަވަލުވެ ވަޑައިގަތީ އެއިގެ 1 ދުވަސްފަހުން ހިޖުރައިން 24 ވަނަ އަހަރު މުހައްރަމް މަހު 1 ވީ އަންގާރަ ދުވަހުއެވެ.
* މީލާދީ ގޮތުން 644 ވަނަ އަހަރު ނޮވެމްބަރ މަހުގެ 7 ވަނަ ދުވަހުއެވެ.
* އުމުރު ފުޅަކީ 70 އަހަރެވެ.
ޚަލީފާ ކަމުގެ ދުވަސްވަރު އިސްލާމީ ޖިހާދު އަދި މުހިންމު ޚިދުމަތްތައް:
* ހިޖުރައިން 25 ވަނަ އަހަރު އަރުމީނިޔާ އާއި އާޒަރު ބައިޖާނުގައި ހިނގި ބަޣާވާތް ހަމަޖެއްސުމަށް ކުރެވުނު ހަނގުރަމާގައި އެސަރަހައްދުގެ ވަރަށް ގިނަ ރަށްތަށް ފަތަޙަވިއެވެ.
* ހިޖުރައިން 27 ވަނައަހަރު ޠުރާބުލިސް ފަޠަޙަވިއެވެ. އެއަށްފަހު ޠޫނިސް، މުރާކިޝް އަދި ޖަޒާއިރު ފަޠަހަވިއެވެ.
* ހިޖުރައިން 27 ވަނައަހަރު މުޢާވިއަތުގެ ފާނުގެ ވެރިކަމުގެ ދަށުން މުސްލިމުން ސައިޕުރަސް އަށްހަމަލަ ދިނެވެ.
* ހިޖުރައިން 30 ވަނަ އަހަރު ޠަބުރުސްތާނުގައި ކުރި ބަޣާވާތެއް ހަމޖެއްސުމުގެ ތެރޭގައި މުޅި ސަރަހަށްދު ފަތަޙަވިއެވެ.
* ހިޖުރައިން 31 ވަނައަހަރު 600 ހަނގުރާމަވެރި ނަވުގައި ޝާމްކަރައިގެ ގޮޑުދޮށު ރަށްތަކަށް ޙަމަލާދިނެވެ. ނަމަވެސް މުއާވިޔަތުގެފާނައި އަބުދުﷲ ބުން ޢަބީޞަރަޙަ އެބައިމީހުންނާއި ހަނގުރާމަކުރައްވައި ބަލިކުރެއްވިއެވެ.
* ފުރަތަމަފަހަރަށް އިސްލާމީ ކަނޑުގެ ލަޝްކަރު އުފެއްދެވިއެވެ.
* ސަރުކާރުގެ ޚަޒާނާ މަތިވެރިވެ، މީސްތަކުންގެ މުސަރަ ބޮޑު ކޮށްދެއްވުމުގެ އިތުރުން ސަރުކާރުގެ އޮފީސް ޢިމާރާތްތަކާއި، މަގުތައް، ފާލަންތަކާއި މުސާފިރު ޚާޏާތައް ބިނާކުރައްވައި ފެންވަޅުތައް ތައްޠާރު ކުރެއްވެވިއވެ.
* ހިޖުރައިން 26 ވަނައަހަރު ކަޢުބަތުﷲގެފުޅު ވަށައިގެންވާ އެތަކެއް ގޭގެ ބައްލަވައިގެން އަލްމަސްޖިދުލް ޙަރާމް ބޮޑުކުރެއްވިއެވެ.
* ހިޖުރައިން 29 ވަނައަހަރު އަލްމަސްޖިދުންނަބަވީ ބާވެ އަދި ތަންދަތި ވުމުގެ ސަބަބުން އަލުން ޢާކުރައްވައި ބިނާކުރެއްވެވިއެވެ. މިގޮތުން ކުރިއަށްވުރެ 20 ގަޒު ދިގުމިނަށް 30 ގަޒު ފުޅާމިނަށް އިތުރުކުރިއެވެ.
* ޢަބޫބަކުރުގެފާނު އެއްކުރައްވައި ޖަމުޢުކުރައްވާފައިވާ މުޞްޙަފުން އެތައް ކޮޕީތަކެއް ލިޔުއްވައި، އިސްލާމީ ދުނިޔޭގެ ބޮޑެތި ރަށްރަށަށް ހިޖުރައިން 24 ވަނައަހަރު އެކޮޕީތައް ބެއްސެވިއެވެ.
ޝަޙިދުވުން:
* މުޝްރިކުން އެކަލޭގެފާނު ގެކޮޅުން ނުކުމެވަޑައިގަތަނުދީ 40 ދުވަސް ބަންދުކޮށްގެން ހިފެހެއްޓިއެވެ.
* މުޝްރިކުން (ދެކޮޅުވެރިން) އެކަލޭގެފާނުގެ ގެއަށްވަދެ ވަރަށް އިޙާނެތި ގޮތުގައި އެކަލޭގެފާނު ޝަހީދު ކުރިއެވެ.
* މިހިތާމަވެރި ހާދިޘާ ހިނގީ ހިޖުރައިން 35 ވަނައަހަރު ޒުލްހައްޖަމަހު 18 ވީ ހުކުރު ދުވަހުއެވެ.
* އުމުރުފުޅަކީ 82 އަހަރު ފުޅެވެ.
* ޚަލީފާ ކަން ކުރެއްވީ 11 އަހަރާއި 11 މަހާއި 18 ނުވަތަ 19 ދުވަހުއެވެ.
* ފަސްދާނު ލެވުނީ މަދީނާގެ ޤަބުރުސްތާން ޖަންނަތުލް ބަޤީޢުގައެވެ.
ليست هناك تعليقات:
إرسال تعليق